Dünya çempionatında uğurla çıxış edən usta cüdoçularımız Vətənə dünüblər

10.jpg

       Mərakeşdə usta cüdoçular arasında keçirilən dünya çempionatında uğurla çıxış edən Azərbaycan milli komandası bu gün Vətənə dönüb.
Heydər Əliyev adına Beynəlxalq Hava Limanında veteran cüdoçuların qarşılanma mərasimi olub. Milli komandamızın üzvlərini Azərbaycan Cüdo Federasiyasının və “Judo Club 2012”nin rəsmiləri, idmançılar və mətbuat nümayəndələri qarşılayıblar.
       Qeyd edək ki, Mərakeşdə usta cüdoçular arasında keçirilən dünya çempionatında ölkəmizi təmsil edən Azərbaycan veteranları 5 qızıl, 1 gümüş və 1 bürünc medala layiq görülüblər. Komandamıza qızıl medalları Rəsul Səlimov (M-2, 90 kq), Elxan Rəcəbli (M-2, 100 kq, M-7, 90 kq), Mübariz Cəfərov (M-4, 81 kq), Məmməd Məmmədov (M-1, 73 kq) qazandırıblar. M-2 kateqoriyası üzrə 66 kiloqram çəki dərəcəsində yarışan cüdoçumuz Vüqar Babayev yalnız finalda uduzaraq dünya çempionatının gümüş medalına sahib çıxıb. Komandamızın digər üzvü Müşfiq Cəfərov (M-5, 73 kq) isə dünya çempionatını bürünc medalla başa vurub. Usta cüdoçularımız bu nəticə ilə ümumi komanda hesabında beşinci yeri tutublar. Ayrılıqda kişilərin yarışında isə Azərbaycan komandası Fransa və Rusiya komandalarından sonra üçüncü olub.
       Qeyd edək ki, dünya çempionatında uğurla çıxış edən usta cüdoçularımız yarışlara Azərbaycan Cüdo Veteranları Assosiasiyası tərəfindən yaradılmış “Judo Club 2012” idman klubunda hazırlaşırlar.

 

Oxunma sayı: 1345 2019-10-15 17:53:11